Իրանի զինված ուժերը հարձակումներ չեն իրականացրել Կիպրոսի, Թուրքիայի կամ Ադրբեջանի վրա. Բաղայի

Իրանի զինված ուժերը չեն հարձակվել Կիպրոսի, Թուրքիայի կամ Ադրբեջանի վրա: Այս մասին ասել է Իսլամական Հանրապետության արտաքին գործերի նախարարության պաշտոնական խոսնակ Իսմայիլ Բաղային, գրում է SNN-ը։

Դիվանագետը հիշեցրել է, որ Իրանի զինված ուժերի գլխավոր շտաբը հստակ և պաշտոնապես հայտարարել է, որ նման հրթիռներ չեն արձակվել Իրանի տարածքից կամ իրանական ուժերի կողմից։

Մարտի 2-ին Մեծ Բրիտանիայի պաշտպանության նախարար Ջոն Հիլին հայտարարել է, որ Կիպրոսում գտնվող բրիտանական ռազմաօդային ուժերի բազան ենթարկվել է անօդաչու թռչող սարքերի հարձակման։

Մարտի 5-ին անօդաչու թռչող սարքերը, որոնք Բաքուն պնդում է, որ եկել են Իրանից, հարձակվել են Ադրբեջանի Նախիջևանի ինքնավար հանրապետության վրա. մեկ անօդաչու թռչող սարք բախվել է օդանավակայանի տերմինալին, իսկ մյուսն ընկել է դպրոցի մոտ։