Իրանն իրականացրել է հրթիռային հարվածներ ԱՄՆ-ի և Իսրայելի օբյեկտների վրա

Իրանը հայտարարել է, որ հրթիռային հարվածներ է հասցրել ԱՄՆ-ի և Իսրայելի օբյեկտների վրա՝ կիրառելով գերծանր հրթիռներ։ Այդ մասին հայտնել է Իրանի Իսլամական հեղափոխության պահապանների կորպուսը (ԿՍՊԿ), հաղորդում է IRIB հեռուստաընկերությունը։

ԿՍՊԿ-ի հայտարարության համաձայն՝ իրականացվել է «Ճշմարիտ խոստում-4» գործողության 31-րդ ալիքը, որի ընթացքում կիրառվել են հզոր գերծանր հրթիռներ։ Նշվում է, որ հարվածները ուղղված են եղել «ամերիկա-սիոնիստական» օբյեկտների դեմ, սակայն դրանց կոնկրետ գտնվելու վայրը չի հրապարակվել։

Ավելի վաղ հաղորդվել էր, որ Իրանը Իսրայելի դեմ հարվածների ընթացքում օգտագործել է միջին հեռահարության «Խորրամշահր-4» բալիստիկ հրթիռը։ Իրանական աղբյուրները նաև նշել են, որ հնարավոր պատասխան գործողությունների ընթացքում կարող են կիրառվել երկրի նորագույն բալիստիկ հրթիռները։