Իրանում ԱՄՆ-Իսրայել արշավի մեկնարկից հետո խորհրդավոր ռադիոազդանշան է հայտնվել

Փետրվարի վերջից ի վեր Արևմտյան Եվրոպայում ռադիոհաղորդիչը պարբերաբար հեռարձակում է պարսկերենով կոդավորված հաղորդագրություններ, որոնք կարող են օգտագործվել Իրանի ներսում գտնվող գործակալների հետ կապվելու համար, գրում է Financial Times-ը՝ հղում անելով ԱՄՆ հետախուզության նախկին պաշտոնյաներին։

Ըստ թերթի՝ հաղորդումները սկսվել են փետրվարի 28-ին՝ այն օրը, երբ ԱՄՆ-ն և Իսրայելը սկսեցին իրենց ռազմական գործողությունը Իրանի դեմ։ Ազդանշանը սկսվում է պարսկերենով «Ուշադրություն» բառով, որին հաջորդում է թվերի հաջորդականություն։ Թերթը մեջբերել է մեկ օրինակ՝ «Վեց։ Չորս։ Զրո։ Ինը։ Երեք։ Ինը»։

Հաղորդումները հնչում են օրական երկու անգամ՝ Իրանի ժամանակով՝ ժամը 05:30-ին և 21:30-ին։