Իրանը հայտարարում է․ Քուվեյթում ամերիկյան բազայի հարվածից տուժել է ավելի քան 100 զինվոր

Իրանի Իսլամական հեղափոխության պահապանների կորպուսը (ԿՍԻՊԿ) հայտարարել է, որ Քուվեյթում գտնվող ամերիկյան ռազմական բազայի վրա իրականացված հրթիռային հարվածի հետևանքով մեծ թվով ամերիկացի զինծառայողներ են տուժել։ Այդ մասին հաղորդում է իրանական Fars գործակալությունը։

ԿՍԻՊԿ-ի հայտարարության համաձայն՝ «Ալ-Ադիրի» ուղղաթիռային բազայի վրա իրականացված երկու հզոր և միաժամանակյա հրթիռային հարվածների արդյունքում ամերիկյան զինվորների մեծ թիվ է վնասվել։ Նշվում է, որ ավելի քան 100 վիրավոր զինծառայող տեղափոխվել է Քուվեյթի Ալ-Ջաբեր և Ալ-Մուբարաք հիվանդանոցներ։

Ավելի վաղ հաղորդվել էր, որ Իրանը հրթիռներ և անօդաչու սարքեր է արձակել Պարսից ծոցի տարածաշրջանում գտնվող մի շարք թիրախների ուղղությամբ, այդ թվում՝ Քուվեյթում տեղակայված ամերիկյան բազայի դեմ։ Իրանի նախագահ Մասուդ Փեզեշքիանը հայտարարել է, որ Թեհրանը շարունակելու է պատասխան հարվածներ հասցնել Մերձավոր Արևելքում գտնվող ԱՄՆ ռազմական բազաներին, որոնք օգտագործվում են Իրանի դեմ գործողությունների համար։