Իրանի նախկին փոխնախագահ․ ԱՄՆ-ն և Իսրայելը սխալ են գնահատել Իրանի ուժը

Իրանի նախկին փոխնախագահ Էսհակ Ջահանգիրին հայտարարել է, որ ԱՄՆ-ը և Իսրայելը լուրջ սխալ հաշվարկներ են կատարել՝ գնահատելով Իրանի ռազմական կարողությունները և հասարակության միասնությունը։ Նրա խոսքերը փոխանցում է իրանական SNN գործակալությունը։

Ջահանգիրիի խոսքով՝ Վաշինգտոնի և Իսրայելի գնահատականները Իրանի ռազմական ներուժի վերաբերյալ սխալ են եղել։ Նա նշել է, որ նաև սխալ է գնահատվել Իրանի հասարակության միասնականությունը, որը, նրա կարծիքով, կարևոր դեր ունի երկրի պաշտպանունակության հարցում։

Նախկին պաշտոնյան ընդգծել է, որ իրանական ժողովուրդը կկարողանա այնպես արձագանքել ստեղծված իրավիճակին, որ երկրի հակառակորդները հետագայում զղջան իրենց գործողությունների համար։ Միևնույն ժամանակ Կրեմլի մամուլի քարտուղար Դմիտրի Պեսկովը հայտարարել է, որ մոտ ապագայում Ռուսաստանի նախագահ Վլադիմիր Պուտինի և Իրանի նախագահ Մասուդ Փեզեշքիանի հանդիպումը քիչ հավանական է։