Իրանը ԱՄՆ-ին սպառնացել է «կոշտ հակահարված տալ» նոր առաջնորդի դեմ մահափորձի համար

Միացյալ Նահանգները կբախվի խիստ հակահարվածի, եթե փորձ արվի վերացնել Իրանի նոր առաջնորդին, ՌԻԱ Նովոստիին տված հարցազրույցում հայտարարել է Մոսկվայում Իրանի դեսպան Քազեմ Ջալալին։

Դիվանագետը նշել է, որ իրանական հասարակությունը արյան վրեժ է պահանջում նախկին գերագույն առաջնորդ այաթոլլահ Ալի Խամենեին սպանելու համար։ Նրա խոսքով՝ ժողովուրդը զայրացած է արյունահեղությունից և հատուցում է ուզում։

Պատասխանելով Թեհրանի հնարավոր արձագանքի մասին հարցին, եթե Միացյալ Նահանգները կամ Իսրայելը փորձեն վերացնել Իրանի նոր առաջնորդ Մոջթաբա Խամենեիին, Ջալալին նշել է, որ երկրի արձագանքը «արդեն տեսանելի է»։ Նա ընդգծել է, որ ամերիկացիներն արդեն բախվում են և կշարունակեն բախվել կոշտ պատասխանի։