Իսրայելը հարվածել է Իրանի ազդեցիկ գործչին․ թիրախում՝ Ալի Լարիջանին

Իսրայելի պաշտպանության բանակը հարված է հասցրել Իրանի Ազգային անվտանգության խորհրդի քարտուղար Ալի Լարիջանիին, ով համարվում է երկրի ամենաազդեցիկ քաղաքական գործիչներից մեկը։ Այս մասին հայտնում է CNN-ը՝ հղում անելով իր աղբյուրներին։

Իսրայելական աղբյուրների փոխանցմամբ՝ ռազմականները դեռ սպասում են հարվածի արդյունքներին՝ պարզելու համար, թե արդյոք Լարիջանին վնասազերծվել է։ Մինչ այս պահը իրանական կողմը չի մեկնաբանել տեղի ունեցածը։

Նշվում է, որ Իսրայելը սկսել է Թեհրանի վրա հարվածների նոր լայնածավալ ալիք՝ թիրախավորելով նաև «Հեզբոլլահ»-ի ենթակառուցվածքները Բեյրութում։ Մերձավոր Արևելքում լարվածության աճի ֆոնին, Ռուսաստանի նախագահ Վլադիմիր Պուտինը ավելի վաղ կոչ էր արել դադարեցնել էսկալացիան և անցնել բանակցային կարգավորման։