Իրանը հայտարարել է Իսրայելի անվտանգության նախարարության վրա հարձակման մասին

Իրանի զինված ուժերը հայտարարել են, որ հարվածներ են հասցրել Իսրայելի ազգային անվտանգության նախարարությանը։ Այս մասին հաղորդում է IRIB News-ը՝ նշելով, որ թիրախավորվել են նաև Իսրայելի մի շարք այլ օբյեկտներ՝ ներառյալ «13-րդ ալիքը» և ռազմական ենթակառուցվածքներ։

Իրանական կողմի տվյալներով՝ հարձակումը իրականացվել է ռազմական անօդաչու սարքերի միջոցով, այդ թվում՝ կիրառվել են նոր տեսակի «դրոնների խմբեր»։ Հայտարարության մեջ նշվում է, որ գործողությունը պատասխան է եղել ԱՄՆ-ի և Իսրայելի կողմից իրանական IRIS Dena էսկադրային նավի վրա իրականացված հարվածներին։

Տարածաշրջանային լարվածությունը շարունակում է աճել․ ավելի վաղ հաղորդվում էր, որ արաբական երկրների իշխանությունները կոշտ արձագանք են տվել Իսրայելի կողմից «Հարավային Փարս» գազային հանքավայրի վրա հարվածներին՝ նշելով, որ իրենք ևս կարող են դառնալ թիրախ։ Միաժամանակ Մոսկվան շարունակում է հանդես գալ հակամարտության արագ դեէսկալացիայի օգտին։