ԱՄՆ-ն Մերձավոր Արևելքում օդադեսանտային ուժեր կտեղակայի

ԱՄՆ բանակի հրամանատարությունը քննարկում է Մերձավոր Արևելքում բրիգադի չափի օդադեսանտային ուժեր տեղակայելու հնարավորությունը, հաղորդում է The New York Times-ը՝ հղում անելով Պենտագոնի պաշտոնյաներին։

Գործակալության աղբյուրների համաձայն՝ բրիգադը նախատեսվում է ձևավորել 82-րդ օդադեսանտային դիվիզիայի արագ արձագանքման ստորաբաժանումներից։ Այն կկազմի մոտավորապես 3000 զինծառայող։ Նրանք կարող են տեղակայվել աշխարհի ցանկացած վայրում 18 ժամվա ընթացքում։ Այս բրիգադը կարող է օգտագործվել Խարգ կղզին գրավելու համար։

CBS News-ի տվյալներով՝ ԱՄՆ ռազմաօդային ուժերը կարող են մասնակցել Խարգ կղզու գրավմանը։