Իրանի ռազմածովային շրջափակման մեկնարկից ի վեր՝ ԱՄՆ-ը 29 նավ է կալանել

Իրանի ռազմածովային շրջափակման մեկնարկից ի վեր՝ Միացյալ Նահանգները 29 նավ է վերաուղղորդել դեպի իրանական նավահանգիստներ։ Այս մասին հայտարարել է ԱՄՆ Կենտրոնական հրամանատարությունը (CENTCOM) սոցիալական ցանցերում։

Իրանի ռազմածովային շրջափակումը պաշտոնապես սկսվել է ապրիլի 13-ին՝ Իսլամաբադում բանակցությունների ձախողումից հետո։

«ԱՄՆ ուժերը, որպես Իրանի դեմ շրջափակման մաս, 29 նավի հրամայել են շրջադարձ կատարել կամ վերադառնալ նավահանգիստ», - ասվում է հայտարարության մեջ։

ԱՄՆ ռազմական հրամանատարությունը նաև մեկնաբանել է այն տեղեկությունները, որ մի քանի առևտրային նավ կարողացել է շրջանցել շրջափակումը։ CENTCOM-ը հերքում է դա՝ տեղեկությունները անվանելով անճշտություններ։