Ամերիկացիները տարեկան հարյուր միլիարդավոր դոլարներ են կորցնում օտարերկրյա հանցագործների պատճառով․ ԱՄՆ ֆինանսների նախարարություն

Ամերիկացիները տարեկան հարյուր միլիարդավոր դոլարներ են կորցնում օտարերկրյա հանցագործների պատճառով։ Այս մասին ասել է ֆինանսների նախարարի օգնական Ջոնաթան Բըրքը, հաղորդում է ՌԻԱ Նովոստին։

Պաշտոնյան բացատրել է, որ կազմակերպված հանցավոր խմբերը գործում են Միացյալ Նահանգներից դուրս գտնվող խոշոր կենտրոններից։ Բըրքը ամերիկացի հարկատուներին հասցված վնասի մակարդակը, որը տարեկան կազմում է հարյուր միլիարդավոր դոլարներ, անընդունելի է անվանել։ Նա ընդգծել է, որ խարդախությունը դարձել է ֆինանսների նախարարության համար վճռորոշ մարտահրավեր։