Զելենսկին հանդիպել է Ալիևի հետ Ադրբեջանում

Ուկրաինայի նախագահ Վլադիմիր Զելենսկին աշխատանքային այցով մեկնել է Ադրբեջան, որտեղ հանդիպել է երկրի նախագահ Իլհամ Ալիևի հետ։ Այս մասին հայտնում է APA News Agency-ն։

Երկու երկրների ղեկավարները Գաբալայում անցկացրել են փակ՝ «մեկ առ մեկ» ձևաչափով հանդիպում, որի ընթացքում քննարկել են երկկողմ հարաբերություններին վերաբերող հարցեր։ Հետագայում բանակցությունները շարունակվել են ընդլայնված կազմով։

Կողմերը կենտրոնացել են քաղաքական և տնտեսական համագործակցության խորացման, ինչպես նաև տարածաշրջանային օրակարգի հարցերի վրա։