Քրեական և համայնքային ոստիկանների ձեռնարկած միջոցառումների արդյունքում հետախուզվողներ են հայտնաբերվել

Քրեական ոստիկանության գլխավոր վարչության օպերատիվ խմբի կողմից ապրիլի 27-ին Մոսկվա-Երևան չվերթի ինքնաթիռով Հայաստան է տեղափոխվել Տավուշի մարզի Այգեպար գյուղի բնակիչ 30-ամյա մի երիտասարդ, որը մարտի 28-ից Քրեական ոստիկանության Երևան քաղաքի վարչության կողմից հետախուզվում էր առանձնապես խոշոր չափերով խարդախության մեղադրանքով․ խափանման միջոցը՝ կալանք։

 

Համայնքային ոստիկանության Քանաքեռ-Զեյթունի բաժնի ծառայողները, համագործակցելով Քրեակատարողական ծառայության աշխատակիցների հետ, ապրիլի 27-ին «Աբովյան» քրեակատարողական հիմնարկի տարածքում հայտնաբերել և բաժին են տեղափոխել 31-ամյա մի երիտասարդի, որը մարտի 30-ից Քանաքեռ-Զեյթունի բաժնի կողմից հետախուզվում էր սուտ մատնության մեղադրանքով․ խափանման միջոցը՝ կալանք։ Նա տեղափոխվել է քրեակատարողական հիմնարկ։

 

Քրեական ոստիկանության Երևան քաղաքի վարչության անձի հետախուզման բաժնի ծառայողները օպերատիվ-հետախուզական միջոցառումների արդյունքում ապրիլի 27-ին Մյասնիկյան պողոտայի հասցեներից մեկի մոտ հայտնաբերել և վարչություն են տեղափոխել օտարերկրյա քաղաքացի 27-ամյա մի երիտասարդի, որը ապրիլի 22-ից հետախուզվում էր թմրամիջոցների իրացման մեղադրանքով․ խափանման միջոցը՝ կալանք։

 

Համայնքային ոստիկանության Մուշի բաժնի ծառայողները ձեռնարկած օպերատիվ-հետախուզական միջոցառումների արդյունքում ապրիլի 27-ին Երևան քաղաքի Էստոնական փողոցի շենքերից մեկում հայտնաբերել և բաժին են ներկայացրել Գյումրի քաղաքի բնակիչ 31-ամյա մի երիտասարդի, որը ապրիլի 16-ից հետախուզվում էր երթևեկության անվտանգության և տրանսպորտային միջոցի շահագործման կանոնները խախտելու մեղադրանքով․ խափանման միջոցը՝ կալանք։

 

Քրեական ոստիկանության Գեղարքունիքի մարզային վարչության ծառայողների ձեռնարկած օպերատիվ-հետախուզական միջոցառումների և բացատրական աշխատանքի արդյունքում ապրիլի 25-ին վարչություն է ներկայացել Վարդենիկ բնակավայրի 35-ամյա մի բնակիչ, որը հետախուզվում էր երթևեկության անվտանգության և տրանսպորտի շահագործման կանոնները խախտելու մեղադրանքով․խափանման միջոցը՝ կալանք։

 

Քրեական ոստիկանության Երևան քաղաքի վարչության անձի հետախուզման բաժնի ծառայողները, իրացնելով օպերատիվ տեղեկությունները, ապրիլի 24-ին «Զվարթնոց» օդանավակայանում հայտնաբերել և վարչություն են տեղափոխել 27-ամյա մի երիտասարդի, որը 2025 թ. մարտի 24-ից հետախուզվում էր համակարգչային հափշտակության և փողերի լվացման մեղադրանքներով․ խափանման միջոցը՝ կալանք։ Նա ներկայացվել է վարույթն իրականացնող մարմին։

 

Համայնքային ոստիկանության Էրեբունու բաժնի ծառայողների և ՆԳՆ Երևան քաղաքի հաշվառման-քննական բաժնի աշխատակիցների համատեղ ձեռնարկած օպերատիվ-հետախուզական միջոցառումների արդյունքում ապրիլի 23-ին Գաջեգործների փողոցի հասցեներից մեկի մոտ հայտնաբերվել և Էրեբունու բաժին է տարվել 23-ամյա մի երիտասարդ, որը ապրիլի 8-ից հետախուզվում էր երթևեկության անվտանգության և տրանսպորտի շահագործման կանոնները խախտելու մեղադրանքով․խափանման միջոցը՝ կալանք։

 

Քրեական ոստիկանության Երևան քաղաքի վարչության անձի հետախուզման բաժնի ծառայողների օպերատիվ-հետախուզական միջոցառումների շնորհիվ ապրիլի 23-ին Ծարավ աղբյուրի փողոցի շենքերից մեկում հայտնաբերվել և վարչություն է տեղափոխվել 47-ամյա մի տղամարդ, որը ապրիլի 18-ից հետախուզվում էր առանձնապես խոշոր չափրով խարդախության մեղադրանքով․խափանման միջոցը՝ կալանք։

 

Համայնքային ոստիկանության Մուշի բաժնի ծառայողների ձեռնարկած օպերատիվ-հետախուզական միջոցառումների շնորհիվ ապրիլի 23-ին Գյումրիի Մանուշյան փողոցի հասցեներից մեկի մոտ հայտնաբերվել և բաժին է ներկայացվել 38-ամյա մի տղամարդ, որը ապրիլի 8-ից հետախուզվում էր երթևեկության անվտանգության և տրանսպորտի շահագործման կանոնները խախտելու մեղադրանքով․խափանման միջոցը՝ կալանք։

 

Քրեական ոստիկանության Շիրակի մարզային վարչության ծառայողները օպերատիվ-հետախուզական միջոցառումների արդյունքում ապրիլի 23-ին Գյումրի քաղաքի Շիրակացու փողոցի հասցեներից մեկում հայտնաբերել և վարչություն են տեղափոխել 31-ամյա մի երիտասարդի, որը հունվարի 7-ից հետախուզվում էր սպանության փորձի և զենք-զինամթերք ապօրինի պահելու մեղադրանքներով․ խափանման միջոցը՝ կալանք։

Նա ներկայացվել է վարույթն իրականացնող մարմին։