Ես ողջունում եմ Թուրքիայի և Հայաստանի վերջին քայլերը. ԱՄՆ-ը դեսպան

Թուրքիայում Միացյալ Նահանգների դեսպան Թոմաս Բարաքը ողջունել է, երեկ Կարսում տեղի ունեցած Գյումրի-Կարս երկաթգծի վերականգնման և գործարկման` Հայաստան-Թուրքիա համատեղ աշխատանքային խմբի հանդիպումը: Նա այս մասին գրառում է կատարել իր X-ի էջում։

«Այսօր կարևոր հանգրվան է տարածաշրջանային կապակվածության և խաղաղության համար։ Հայ և թուրք պաշտոնյաները հանդիպեցին Կարսում, որպեսզի հայտարարեն Գյումրի-Կարս երկաթուղու վերանորոգման համատեղ աշխատանքային խմբի ստեղծման մասին, որը կենսականորեն կարևոր առևտրային և տարանցիկ ուղի էր, որը տարածաշրջանը միավորել էր ավելի քան մեկ դար, մինչև վերջին գնացքը հատեց Թուրքիա-Հայաստան սահմանը 1993 թվականի հուլիսին։

Այս առաջընթացը արտացոլում է «Թրամփի միջազգային խաղաղության և բարգավաճման ուղու» և օգոստոսի 8-ին Սպիտակ տանը կայացած պատմական խաղաղության գագաթնաժողովի կողմից առաջ քաշված տեսլականը, որը կազմակերպել էր ԱՄՆ-ը նախագահը։

Ես ողջունում եմ Թուրքիայի և Հայաստանի վերջին քայլերը՝ ուղղված իրենց տնտեսությունների և ժողովուրդների վերամիավորմանը։ Ձևավորվում է նոր Հարավային Կովկաս՝ փոխկապակցված և խաղաղ, որը համապատասխանում է նախագահ Թրամփի՝ տարածաշրջանում կայունության և բարգավաճման հանձնառությանը»,- գրել է նա։