Երևանի շենքերից մեկի հենց բակում տղամարդը դանակով 6 անգամ հարվածել է իր կնոջը

Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի վարույթում է գտնվում քրեական գործ՝ ըստ մեղադրանքի՝ Սասուն Ս.-ի: Այս մասին գրել է Iravaban.net–ը։

Վերջինիս մեղադրանք է առաջադրվել այն բանի համար, որ նա ալկոհոլ օգտագործած վիճակում 01.09.2012 թ. Երևան քաղաքի Տ. Մեծի փողոցի թիվ 24 շենքի բակում կենցաղային հարցի շուրջ ծագած վիճաբանության ժամանակ իր կրած դանակով դիտավորությամբ 6 անգամ հարվածել է իր կնոջ՝ Սաթենիկ Հ.-ին ու նրա առողջությանը պատճառել ծանր վնաս:

Քրեական գործով իրեղեն պացույց է ճանչվել տուժողի շրջազգեստը, ինչպես նաև այն դանակը, որով հանցագործությունը կատարվել է:

Մեղադրյալի նկատմամբ խափանման միջոց է ընտրվել կալանավորում:

Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով: