ԱՄՆ-ն և Իրանը մոտ են համաձայնության. Պակիստան

Պակիստանը, որը միջնորդ է հանդես գալիս պատերազմի ավարտի շուրջ ԱՄՆ-ի և Իրանի բանակցություններում, հաստատել է, որ կողմերը մոտ են ռազմական գործողությունների ավարտի մասին համաձայնությանը: Այն կարող է ձեռք բերվել մոտ ժամանակներս՝ մայիսի 6-ին Reuters գործակալությանը հայտնել Է Պակիստանում մի աղբյուր, որը մոտ է միջնորդական ջանքերին:

Axios-ի տվյալներով՝ ԱՄՆ հատուկ դեսպան Սթիվեն Ուիթքոֆը և ԱՄՆ նախագահ Դոնալդ Թրամփի փեսա Ջարեդ Քուշները, 14-կետանոց հուշագրի վերաբերյալ բանակցություններ են վարում իրանցի պաշտոնյաների հետ՝ ինչպես ուղղակի, այնպես էլ միջնորդների միջոցով:

Պարբերականը, հղում անելով ԱՄՆ պաշտոնյաներին և իրավիճակին ծանոթ այլ աղբյուրների, հայտնում է, որ փաստաթուղթը նախատեսում է 30-օրյա բանակցություններ՝ մանրամասն համաձայնագիր մշակելու համար: Այս ընթացքում նախատեսվում է աստիճանաբար վերացնել Իրանի կողմից Հորմուզի նեղուցում նավագնացության շրջափակումը և իրանական նավահանգիստների ԱՄՆ շրջափակումը, նշվում է հաղորդագրության մեջ:

Ավելին, ԱՄՆ-ն ակնկալում է, որ Իրանը կհամաձայնի ուրանի հարստացման չեղարկմանը, իսկ Վաշինգտոնը կվերացնի պատժամիջոցները և կապաշրջափակի միլիարդավոր դոլարների սառեցված իրանական ակտիվները: Եթե ​​այդ բանակցությունները ձախողվեն, ԱՄՆ-ն կարող է վերսկսել շրջափակումը կամ ռազմական գործողությունները, հաղորդում է Axios-ը՝ հղում անելով ամերիկացի պաշտոնյայի։ ԱՄՆ-ն Իրանից պատասխան է ակնկալում 48 ժամվա ընթացքում։