Գտնվել է տարեց տարիքում շարժունակությունը բարելավելու պարզ միջոց

ԱՄՆ-ի գիտնականները պարզել են, որ օրական ընդամենը չորս րոպե ուժային վարժությունները կարող են զգալիորեն բարելավել 65 տարեկանից բարձր մարդկանց ֆիզիկական վիճակն ու շարժունակությունը։ Հետազոտության արդյունքները հրապարակվել են PLOS One գիտական ամսագրում։

Փորձին մասնակցել է 97 մարդ, որոնց միջին տարիքը կազմել է 74 տարեկան։ Մասնակիցների մի խումբը 12 շաբաթ շարունակ կատարել է կարճատև վարժությունների ծրագիր, իսկ մյուսը պահպանել է սովորական կենսակերպը։ Ծրագիրը ներառել է հրումներ, աթոռից վեր կենալու վարժություններ, էսպանդերով ձգումներ և հարթակի վրա բարձրացումներ։ Յուրաքանչյուր վարժություն կատարվել է 30 վայրկյան՝ նույնքան հանգստի դադարներով, իսկ ամբողջ մարզումը տևել է ընդամենը չորս րոպե։

Հետազոտության ավարտին մասնակիցների մոտ արձանագրվել է առօրյա շարժունակության ցուցանիշների զգալի բարելավում․ նրանք ավելի արագ են նստել ու կանգնել, ավելի երկար պահպանել հավասարակշռությունը և ավելի հեշտ կատարել առօրյա գործողությունները։ Գիտնականների գնահատմամբ՝ նույնիսկ կարճատև, բայց կանոնավոր ուժային վարժությունները կարող են նվազեցնել ընկնելու վտանգը, երկար ժամանակ պահպանել ինքնուրույնությունը և բարելավել կյանքի որակը տարեց տարիքում։