Դիետոլոգը համեմատել է երկու ամենատարածված կողմնակի ուտեստների օգտակարությունը

Դիետոլոգ Ամանդա Պասկոն համեմատել է կարտոֆիլի և բրնձի սննդային արժեքը և նշել, թե որ տարբերակն է ավելի օգտակար առողջության համար։ Այս մասին նա խոսել է Prevention պարբերականին տված հարցազրույցում։

Մասնագետի խոսքով՝ երկու մթերքներն էլ ունեն իրենց առավելություններն ու թերությունները, սակայն ընդհանուր սննդային արժեքով կարտոֆիլը որոշ առավելություն ունի։ Այն պարունակում է ավելի շատ կալիում, վիտամին C և վիտամին B6, ինչպես նաև ավելի հագեցնող է, ինչի պատճառով բավարար է ավելի փոքր քանակություն՝ քաղցը հագեցնելու համար։

Միևնույն ժամանակ դիետոլոգը ընդգծել է, որ ամեն ինչ կախված է նաև պատրաստման ձևից և բրնձի տեսակից։ Օրինակ՝ շագանակագույն, սև և կարմիր բրինձը ավելի օգտակար են, քան սպիտակ բրինձը, իսկ տապակած կարտոֆիլը կարող է զիջել նույնիսկ ամբողջական հացահատիկային բրնձին։ Նրա խոսքով՝ սննդի ընտրության ժամանակ կարևոր է հաշվի առնել ինչպես տեսակն, այնպես էլ պատրաստման եղանակը։