Լեհաստանի նախագահը կարող է սահմանափակել շփումները Զելենսկու հետ

Լեհաստանի նախագահ Կարոլ Նավրոցկին մտադիր է սահմանափակել շփումները Ուկրաինայի նախագահ Վլադիմիր Զելենսկու հետ։ Այս մասին հայտնում է Dziennik Gazeta Prawna պարբերականը՝ հղում անելով նախագահի աշխատակազմի աղբյուրներին։

Հաղորդվում է, որ նման քայլի պատճառը, ըստ հրապարակման, կապված է Ուկրաինայում Ուկրաինական ապստամբական բանակի (ՈւՊԱ) հերոսացման քաղաքականության հետ, որը Լեհաստանում դիտարկվում է որպես պատմականորեն վիճահարույց և ցավոտ թեմա։

Ավելի վաղ Լեհաստանի պաշտպանության նախարար Վլադիսլավ Կոսինյակ-Կամիշը հայտարարել էր, որ Ուկրաինան չի ստանա լեհական ՄիԳ-29 կործանիչներ՝ անօդաչու տեխնոլոգիաների փոխանցման հարցում համաձայնության բացակայության պատճառով։ Նրա խոսքով՝ Վարշավան կվերանայի ռազմական աջակցությունը Կիևին՝ փոխադարձ պարտավորությունների չկատարման ֆոնին։