Թրամփը խոսել է Իրանի հետ հնարավոր պատերազմի վերսկսման մասին

ԱՄՆ նախագահ Դոնալդ Թրամփը հայտարարել է, որ Իրանի հետ միջուկային ծրագրի սահմանափակման շուրջ բանակցությունները զարգանում են դրական ուղղությամբ։ Նրա խոսքերը փոխանցում է РИА Новости գործակալությունը՝ անդրադառնալով նաև Թեհրանի դեմ հնարավոր ռազմական գործողությունների հարցին։

Թրամփը նշել է, որ Վաշինգտոնի նպատակն է հասնել Իրանի միջուկազերծմանը։ Նրա խոսքով՝ բանակցությունները ընթանում են «լավ» և գործընթացը կարող է բերել ցանկալի արդյունքի՝ շատ պարզ ձևով։ ԱՄՆ նախագահը կրկին ընդգծել է, որ Իրանին չի կարելի թույլ տալ ունենալ միջուկային զենք։

Մինչ այդ The Wall Street Journal-ը գրել էր, որ Սպիտակ տան ներկայացուցիչները Թրամփին ներկայացրել են Իրանի դեմ հնարավոր լայնամասշտաբ ռազմական գործողությունների տարբերակներ։ Սակայն, ըստ աղբյուրների, նախագահը հրաժարվել է նոր հարվածներից՝ նշելով, որ դրանք կարող են խաթարել դիվանագիտական գործընթացը։