«Եկել եմ ասելու, որ կարող եք մեզ վրա հույս դնել». Ուրսուլա ֆոն դեր Լայեն

Եվրամիությունը Հայաստանի ամենավստահելի գործընկերներից մեկն է, իսկ ՀՀ-ԵՄ հարաբերություններն այսօր առավել սերտ են, քան երբևէ։

Այս մասին Երևանում Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ մամուլի ասուլիսի ժամանակ հայտարարեց վարչապետ Նիկոլ Փաշինյանը։

Նրա խոսքով՝ վերջին ամիսներին զգալի առաջընթաց է գրանցվել ՀՀ-ԵՄ համագործակցության կարևոր ուղղություններից մեկում՝ կապակցվածության ոլորտում։

Իր հերթին Եվրոպական հանձնաժողովի նախագահ Ուրսուլա ֆոն դեր Լայենը վերահաստատեց ԵՄ-ի աջակցությունը Հայաստանին՝ նշելով. «Եկել եմ ասելու, որ կարող եք մեզ վրա հույս դնել»։