«Խելոք գալու են ու նստեն»․ Սիմոնյանը՝ նոր ընդդիմության մասին

Ազգային ժողովի նախագահ Ալեն Սիմոնյանը Ռուբեն Ռուբինյանին և Վահագն Ալեքսանյանին հաջողություն ու համբերություն է մաղթել խորհրդարանում նոր ընդդիմության հետ աշխատանքում։

Լրագրողների հետ զրույցում Սիմոնյանը վստահություն է հայտնել, որ ընդդիմադիր ուժերը, ի վերջո, կընդունեն իրենց մանդատները և կմասնակցեն խորհրդարանի աշխատանքներին։

«Խելոք գալու են ու նստեն։ Գալու են «մենք դեպուտատ ենք» դեմքի արտահայտությամբ»,- ասել է ԱԺ նախագահը։

Սիմոնյանի խոսքով՝ քաղաքական գործընթացների բնական զարգացումը ցույց կտա, որ ընտրված պատգամավորները կստանձնեն իրենց մանդատներն ու կներառվեն խորհրդարանական գործունեության մեջ։