Բրիտանիայում մուսուլման բանտարկյալներին խոզի մսով են կերակրել

Մեծ Բրիտանիայի արդարադատության նախարարությունը մտադիր է փակել այն ընկերությունը, որը բանտերին միս էր մատակարարում: Այն բանից հետո, երբ պարզվել է, որ հալալ կոչվող մսամթերքի ներքո բանտարկյալներին խոզի միս են մատուցել, դրա շուրջ մեծ աղմուկ է բարձրացել:

Ներկայումս միջադեպի կապակցությամբ հետաքննություն է տարվում: Արդարադատության նախարարության տեղեկություններով` բոլոր ոչ պատշաճ մսամթերքներն առգրավվել են:

Մեծ Բրիտանիայի Արդարադատության նախարարը կատարվածը որակել է որպես բացարձակապես անթույլատրելի արարք:

Հիշեցնենք, որ իսլամական օրենքի` շարիաթի համաձայն` մուսուլմաններին արգելվում է խոզի միս ուտել, ինչպես նաև ուտել ոչ հալալ մսամթերք, այսինքն` այն կենդանու միսը, որը չի մորթվել իսլամի օրենքներին համապատասխան: Հալալ է համարվում այն կենդանու միսը, որին մորթելիս արտասանվել են Ալլահին փառաբանող խոսքեր, և կենդանու հոգին չեն դատապարտել տանջանքների (Ծնթ.` Լուրեր.com):