Երբ կավարտի Լիոնել Մեսսին կարիերան. հայտնի են նոր մանրամասներ

Արգենտինայի հավաքականի գլխավոր մարզիչ Լիոնել Սկալոնին խոսել է թիմի ավագ և առաջատար հարձակվող Լիոնել Մեսսիի ապագայի մասին՝ անդրադառնալով նրա հնարավոր հրաժեշտին պրոֆեսիոնալ ֆուտբոլին։

«Քանի դեռ Մեսսին ունի խաղալու ցանկություն, նա կմնա լավագույններից մեկը։ Իհարկե, 50 տարեկանում դա արդեն դժվար կլինի պատկերացնել, սակայն այժմ նրա մակարդակը շարունակում է մնալ բացառիկ։ Երբեմն հիշում ենք, թե ինչպիսի ֆուտբոլ էր ցուցադրում նա 23-24 տարեկանում՝ «Բարսելոնայում» հանդես գալու տարիներին։ Համոզված եմ՝ նա կշարունակի մնալ լավագույնը, քանի դեռ պահպանվում է նրա մոտիվացիան»,- Mundo Deportivo-ի փոխանցմամբ՝ ասել է Սկալոնին։

Հիշեցնենք, որ Մեսսին մասնակցում է իր կարիերայի վեցերորդ աշխարհի առաջնությանը։ Մրցաշարի ընթացքում նա աչքի է ընկել 8 գոլով և լավագույն ռմբարկուների ցանկում զբաղեցնում է երկրորդ հորիզոնականը՝ լրացուցիչ ցուցանիշներով զիջելով միայն Ֆրանսիայի հավաքականի հարձակվող Կիլիան Մբապեին։

Բացի այդ, արգենտինացի աստղը նոր պատմական ցուցանիշ է գրանցել՝ աշխարհի առաջնությունների եզրափակիչ փուլերում խփած գոլերի թիվը հասցնելով 21-ի։