Ջուդ Բելինգհեմը հնարավորություն ունի դառնալու Անգլիայի բոլոր ժամանակների մեծագույն ֆուտբոլիստը. Լինեկեր

Անգլիայի ազգային հավաքականի նախկին հարձակվող Գարի Լինեկերը կարծում է, որ ազգային թիմի կիսապաշտպան Ջուդ Բելինգհեմը կարող է դառնալ երկրի բոլոր ժամանակների մեծագույն ֆուտբոլիստը։

 Աշխարհի առաջնության քառորդ եզրափակիչում Նորվեգիայի դեմ կայացած խաղում (2-1) կիսապաշտպանը դարձել է երկու գոլի հեղինակ և 1986 թվականից ի վեր առաջին խաղացողն է, որը Մունդիալի փլեյ-օֆֆի երկու անընդմեջ հանդիպումներում դառնում է դուբլի հեղինակ (նախկինում նման բան հաջողվել էր միայն Դիեգո Մարադոնային)։

Այս հաղթանակը Անգլիային դուրս բերեց կիսաեզրափակիչ, որտեղ թիմը կմրցի Արգենտինայի հետ։

«Ես նույնիսկ կասեի, որ նա հնարավորություն ունի դառնալու Անգլիայի բոլոր ժամանակների մեծագույն ֆուտբոլիստը։ Սա, իհարկե, համարձակ ենթադրություն է. հավաքականի պատմության մեջ քիչ չեն եղել հիանալի խաղացողներ։ Ոմանք հաջողության են հասել երկրի համար, մյուսները՝ ոչ։ Եթե հիշենք Բոբի Չարլթոնին, նա, անկասկած, պետք է լինի առաջատարների շարքում։

Այս շարքում կարելի է դասել նաև Հարի Քեյնին և այլ ֆուտբոլիստների։ Բայց այն փաստը, որ այս խաղացողն իր տարիքում բառացիորեն Անգլիային տանում է դեպի հաղթանակներ, իսկական սուպերաստղի նշան է»,- Լինեկերի խոսքերը մեջբերում է ESPN-ը։

Հավաքականի կազմում Բելինգհեմի խփած 12 գոլերից 9-ը գրանցվել են խոշոր մրցաշարերում։ Ընթացիկ աշխարհի առաջնությունում նրա խփած 6 գոլերը նրան դնում են Լինեկերի և Հարի Քեյնի կողքին. նրանք Անգլիայի միակ խաղացողներն են, որոնք մեկ աշխարհի առաջնությունում խփել են առնվազն 5 գոլ։