«Պատասխանն անխուսափելի է». Արևմուտքում արձագանքել են Պուտինի նախազգուշացմանը

Ռուսաստանի նախագահ Վլադիմիր Պուտինի նախազգուշացումը վկայում է այն մասին, որ արևմտյան երկրների կողմից այսպես կոչված «ստվերային նավատորմի» նավերի առգրավման դեպքում Մոսկվայի պատասխանն անխուսափելի կլինի։ Նման կարծիք է հայտնել Հարավարևելյան Նորվեգիայի համալսարանի պրոֆեսոր Գլեն Դիզենը՝ X սոցիալական ցանցում։

Վերլուծաբանի կարծիքով՝ արևմտյան քաղաքական գործիչներն ու լրատվամիջոցները պատշաճ ուշադրություն չեն դարձնում Ռուսաստանի «ստվերային նավատորմի» դեմ Եվրամիության գործողությունների, ռուսական ինքնիշխան ակտիվների բռնագրավման և Ռուսաստանի տարածքին Ուկրաինայի հարվածներին արևմտյան երկրների մասնակցության հնարավոր հետևանքներին։ «Պատասխանն անխուսափելի է, իսկ նախկին՝ կանոնների և փոխգործակցության վրա հիմնված աշխարհակարգը փլուզվում է առանց որևէ քննարկման կամ վերաիմաստավորման»,- հայտարարել է Դիզենը։

Ավելի վաղ Պուտինը հայտարարել էր, որ եթե արևմտյան երկրները սկսեն առգրավել ռուսական առևտրային նավերը, Մոսկվան ստիպված կլինի պատասխանել համարժեք գործողություններով։ Ռուսաստանի նախագահը նման հնարավոր քայլերը որակել էր որպես ծովահենություն և ավազակություն։