Ռիտան իր տունը տրամադրել է մարմնավաճառի, գումարն էլ «արդար» կիսել են

Նույնիսկ պատկերացնելն է դժվար, որ մարդ կարող է իր տունն այլոց համար վերածել պոռնկանոցի, բայց հենց դրա կամ, իրավական ավելի ճիշտ ձևակերպմամբ, պոռնկությամբ զբաղվելուն նպաստելու համար է ամբաստանյալի աթոռին հայտնվել Արտաշատ քաղաքի բնակիչ Ռիտա Բաբայանը: Այս մասին հայտնում է «Փաստինֆո»–ն։

Ինչպես պարզվել է նախաքննությամբ, նա գույքային օգուտ ստանալու նպատակով նպաստել է Արարատի մարզի Այգավան գյուղի բնակչուհի Էմմայիի կողմից պոռնկությամբ զբաղվելուն՝ թույլատրելով նրան իր տանը համապատասխան վճարով սեռական հարաբերություն ունենալ տարբեր տղամարդկանց հետ: Ստացված գումարն էլ բաժանել են երկու հավասար մասերի:

Ռիտա Բաբայանին մեղադրանք է առաջադրվել ՀՀ քրեական օրենսգրքի 262-րդ հոդվածի 1-ին մասի հատկանիշով, մեղադրանքի հաստատմանը դեպքում նա կարող է պատժվել նույնիսկ ազատազրկմամբ՝ մինչև 4 տարի ժամկետով: