Դատապարտյալը մարմնի մեջ ասեղներ է մտցրել
Իրավունք
«Հրազդան» քրեակատարողական հիմնարկի դատապարտյալ Համլետ Ռաֆիկի Ղազարյանը մարմնի մեջ ասեղներ է մտցրել և հրաժարվում է դրանք հանել: Այս մասին Lurer.com-ի թղթակցի հետ զրույցում ասաց Քրեակատարողական վարչության հանրային կապերի բաժնի պետ Գոռ Ղլեչյանը:
Հիվանդին առաջարկվել է ասեղները մարմնից հեռացնել վիրահատական եղանակով: Դատապարտյալը խնդրել է վիրահատությունը հետաձգել մինչև իր դիմելը: Ըստ բժիշկների՝ ասեղների առկայությունը նրա առողջությանը համար վտանգ չի ներկայացնի:
«Նրա բողոքի վերաբերյալ զբաղվում են համապատասխան մարմինները»,-ասաց Գոռ Ղլեչյանը:
Նշենք, որ այսօր «Հրապարակ»-ը գրել էր, որ «Հրազդան» քրեակատարողական հիմնարկի դատապարտյալ Համլետ Ռաֆիկի Ղազարյանը որովայնի շրջանում 29 ասեղ է մտցրել և հրաժարվում է դրանք հանել, քանի դեռ լրագրողների, ՀԿ-ների ներկայացուցիչները չեն լսել իր բողոքը:
Դատապարտյալը ներկայումս գտնվում է «Դատապարտյալների հիվանդանոց» ՔԿՀ-ում, ասեղներից մի մասը հեռացրել են, սակայն մնացածը չի թողնում հանեն, քանի դեռ իր պահանջը չի բավարարվել:
«Ինձ անընդհատ ծեծում էր, դժոխք էր ստեղծել իմ համար: Էն բանի համար, որ ես ու կինս բողոքներ էինք ներկայացրել նախագահին: Ինքը ստիպում էր, որ հետ վերցնեմ նախագահին գրած դիմումներս, արդարադատության նախարարին գրած բողոքները»,- պատմել է դատապատրյալը:
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
