«Օրենքով գող» Արմեն Կանևսկոյի սպանության ենթադրյալ պատվիրատուի դեմ մահափորձը բացահայտվել է

Կրասնոդարի երկրամասի դատարանը քննելու է մի քրեական գործ, որը հարուցվել է երեք տղամարդկանց դեմ, ովքեր 2011թ. Նովոռոսիսկում փորձել են սպանել քրեական հեղինակության: Այս մասին գրում է «Փաստինֆո»–ն։

Ըստ «Ռիա նովոստի»-ի՝ սպանության ենթադրյալ պատվիրատուն՝ Արտեմ Հարությունովը, գտնվում է հետախուզման մեջ: Հետաքննությունը պարզել է, որ Հարությունովը որոշել է պատվիրել քրեական հեղինակության սպանությունը՝ համարելով, որ վերջինիս պատճառով բանտում մահացել է իր եղբայրը՝ «օրենքով գող» Արմեն Հարությունյանը, ով առավել հայտնի է Արմեն Կանևսկոյ անվամբ:

Քննչական վարչությունը հայտարարել է. «Այս կապակցությամբ մահացածի հարազատ եղբայր Արտեմ Հարությունովը, ՀՀ երկու քաղաքացիների առաջարկել է սպանել Նովոռոսիյսկի վերոնշյալ բնակչին՝ Երևանում երկու բնակարանով պարգևատրման դիմաց»:

Ռուս իրավապահների տվյալներով՝ սպանությանը ներգրավվել են նաև Ռոստովի երկրամասի մի բնակիչ և նրա երկու ծանոթները: Վերջիններս համաձայնել են հանցագործությունը կատարել 10 000 դոլար պարգևատրման դիմաց:

Հանցագործությունը կատարվել է 2011թ. սեպտեմբերի 5-ին , որի հետևանքով Նովոռոսիյսկի բնակիչը վիրավորվել է:

Ձերբակալված են Ռոստովի երկու բնակիչներ, ում ներկայացվել է զենքի անօրինական շրջանառության, կազմակերպված խմբով մահափորձ իրականացնելու մեղադրանք: Նրանց սպառնում է ցմահ ազատազրկում: