ԱԱԾ-ի բացահայտումը երևի թե փոքր-ինչ կխաթարի «թեժ աշնան» հետ կապված ոմանց սպասելիքները․ Ալեքսանյան

«ԱԱԾ-ի բացահայտումը երևի թե փոքր ինչ կխաթարի «թեժ աշնան» հետ կապված ոմանց սպասելիքները»:

Այս մասին «Ֆեյսբուք»-ի իր էջում գրել է ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը՝ հրապարակելով ՔԿ-ի՝ ավելի վաղ ներկայացրած տեսանյութը:

«Ի դեպ, այս տեռորիստների գաղափարական հայրերը, հորեղբայրներն ու հորաքույրերը պարբերաբար խոսում են վարչապետի ու պետական մարմինների անվտանգությունն ապահովող ապարատի մեծ լինելուց, ծախսատար լինելուց, անհամաչափ լինելուց։ 

220 հազար ռուբլու դիմաց Ռոստովում զինված հեղաշրջման նախապատրաստվողներն էլ երևի դասամիջոցներին լսում էին իրենց գաղափարական ծնողների ելույթները ու լայքեր դնում։ 

Հ.Գ. Հետաքրքիր է՝ գաղափարական ծնողները ռուբլու կուրսով որքա՞ն են ստանում։ Գոնե 300 հազար հասնո՞ւմ է։

ԱԱԾ-ն հերթական անգամ բարձր մակարդակի աշխատանք է կատարել»,- գրել է նա:

Ավելի վաղ հայտնել էինք, որ ԱԱԾ-ի ձեռնարկած օպերատիվ-հետախուզական միջոցառումների արդյունքում տեղեկություններ են ստացվել մի խումբ անձանց կողմից նախնական համաձայնությամբ իշխանությունը յուրացնելու նախապատրաստություն կատարելու մասին:

Ամսական 220 հազար ռուբլով հավաքագրել են ԼՂ-ի նախկին բնակիչներ և ՀՀ քաղաքացիներ, ուղարկվել ՌԴ՝ նոր զենքերի ծանոթանալու, դրանց կիրառումը ուսուցանելու համար:

Նշված արարքը կատարելու համար քրեական հետապնդում է հարուցվել 7 անձի նկատմամբ: Նրանցից 3-ը ձերբակալվել են, իսկ 4-ի նկատմամբ հայտարարվել է հետախուզում:

Այս թեմայով Կսահմանվեն վարչական պատասխանատվության նոր միջոցներ՝ կապված կենսանվտանգության և կենսապահովության ոլորտների հետ. «Փաստ» Խոյ համայնքը կահույք է գնել շուկայականից թանկ գնով. «Ժողովուրդ» Շիլաշփոթ դպրոցներում՝ նաև արվեստի առարկաների դասագրքերի հետ կապված. «Փաստ» Հայաստանի բուհերում գոյություն ունեցող կառույցն ավելի շուտ ոմանց զբաղվածությունն էր ապահովում. նախարար Երևի Ալեն Սիմոնյանն այնքան էլ ուշադիր չի հետևել Նիկոլ Վովաևիչի ասուլիսին. Զախարովա Գնել Սանոսյանը և Սերգեյ Կոպիրկինը քննարկել են ՀԱԷԿ-ի ժամկետի կրկնակի երկարացման հետ կապված հարցը Երևի Նիկոլն Արմենի հանդեպ փոքր վրեժխնդրությունը համարեց բավարարված, դրա համար փոխեց տնային կալանքի. Զոհրաբյան (տեսանյութ) Սկսել ենք Թուրքիայի հետ երկխոսություն, արվել են բազմաթիվ փոքր կամ ավելի մեծ քայլեր․ Միրզոյան Ուկրաինացի դիվանագետին հետ կանչելը կապված է լվացքի մեքենաների հետ. Կոբախիձե Սուրենյան. Սա դեռ աշնան գալուստը չէ