Իշխանական ողջ ռեսուրսը գործի է դրվել ներարցախյան խժդժություններ հրահրելու ուղղությամբ. «Հրապարակ»

«Հրապարակ» թերթը գրում է. «Այսօր՝ սեպտեմբերի 19-ին, Արցախի վրա Ադրբեջանի դաժան հարձակման տարելիցն է, որից օրեր անց տեղի ունեցավ արցախցիների բռնի տեղահանությունը Հայաստան։ Արցախի քաղաքական վերնախավը՝ նախագահ Սամվել Շահրամանյանի գլխավորությամբ, այսօր առավոտյան կայցելի Եռաբլուր՝ հարգանքի տուրք մատուցելու արցախյան ազատամարտի զոհերի հիշատակին, իսկ կեսօրին Սուրբ Խաչ եկեղեցում Արցախի հոգեւոր առաջնորդը պատարագ կմատուցի։

Երեկ երեկոյան էլ Արցախի խորհրդարանը հատուկ նիստ է գումարել եւ «Տոների ու հիշատակի մասին» օրենքում փոփոխություն իրականացրել՝ սեպտեմբերի 19-ը հռչակելով Արցախցիների ցեղասպանության օր։ Չի բացառվում, որ ինքնաբուխ ակցիաներ էլ իրականացվեն։

Մինչդեռ վերջին օրերին՝ սեպտեմբերի 19-ին ընդառաջ, հայաստանյան իշխանական ողջ ռեսուրսը գործի է դրվել ներարցախյան խժդժություններ հրահրելու ուղղությամբ: Ողջ թիմով առաջ են տանում քարոզչական այն գիծը, թե Արցախի հետ տեղի ունեցածի ողջ պատասխանատվությունը բացառապես արցախցիների ուսին է։ Իսկ երեկ տարածված հաղորդագրությամբ, որով «ավետում» էին, որ «իշխանությունը յուրացնելու նախապատրաստության դեպք» են բացահայտել եւ 7 անձի մեղադրանք առաջադրել, դարձյալ մի ստոր նախադասություն էին գրել` «ինչպես նաեւ Լեռնային Ղարաբաղի նախկին բնակիչներ Ա. Մ.-ն, Ա. Ս.-ն»:

Իսկ ինչո՞ւ չեք գրում, ասենք, նախկին ՍՍՀՄ քաղաքացիներ կամ` Սյունիքի մարզի, Գեղարքունիքի բնակիչներ: Սա արցախցի-հայաստանցի պառակտողական քաղաքականության դրսեւորում է` արցախցիների դեմ թշնամանք սերմանելու հստակ մտադրությամբ»:

Առավել մանրամասն թերթի այսօրվա համարում

Այս թեմայով Հրայր Թովմասյանի գործի քննությունն ավարտվեց. վճիռը կհրապարակվի 2 օրից «Արցախում մշակութային ժառանգության հարցը մեր դատական գործի առանցքներից մեկն է»․ Եղիշե Կիրակոսյան (տեսանյութ) Ոստիկանները դաժանաբար ծեծել են և բերման ենթարկել ակցիա անողներին. «Հրապարակ» Դասախոսները ուսանող են դարձել, որ աշխատավարձից բացի ուսանողի թոշակն էլ ստանան. «Հրապարակ» ՔՊ-ում նոր ձեւաչափ է ստեղծվել. պատրաստվում են ընտրությունների. «Հրապարակ» Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան ՔՊ-ական համայնքապետին պարտադրում են հրաժարական տալ. «Հրապարակ» Ի՞նչ սպասել մարտի 1-ի գործի վերաբացման դատական որոշումից Մարտի 1-ի գործի քննությունը նորից կվերսկսվի. ի՞նչ է սպասվում «Հրապարակ». Փաշինյանը բաց չի թողնի՞ ցարի «խաչը համբուրելու» առիթը