Աշխարհագրության ուսուցչուհին փորձել է գայթակղել 15-ամյա աշակերտին

Անհատական պարապմունքներ, տասնյակ հաղորդագրություններ, նվերներ և շատ յուրահատուկ առաջարկ. Բրիտանիայում 35-ամյա ուսուցչուհին փորձել է հրապուրել իր 15-ամյա աշակերտին. գրում է Daily Mail-ը:

Արևելյան Սասեքսի Վալդորֆի դպրոցի աշխարհագրության ուսուցչուհի Կատերինա Ռայնեն 2009-ին ընկերացել էր իր աշակերտի հետ Facebook սոցիալական ցանցի միջոցով: Հեռախոսահամարների փոխանակությունից հետո ուսուցչուհին առաջարկել էր տղային անհատական պարապմունքեր անցկացնել իր տանը: Երբ տղան ժամանել էրչ ուուցչի տուն, և նրանք միայնակ էին մնացել, Կատերինան փորձել էր ինտիմ բնույթի առաջարկ անել նրան: Այդ օրը տղան 3 անգամ զանգահարել էր հորը և բողոքել, որ ինքն անհարմար է զգում ուսուցչուհու հետ միայնակ մնալուց, քանի որ վերջինս իր նկատմանմբ ոտնձգություններ է թույլ տալիս: Տղայի հայրը դիմել էր դպրոցի տնօրինությանը, որը միջոցներ էր ձեռնարկել և նկատողություն արել ուսուցչուհուն:

Սակայն դրանից հետո Կատերինա Ռայնեն չէր դադարել հետապնդել տղային: Նա նվերներ էր ուղարկել իր աշակերտին և սիրո խոստովանությամբ մի նամակ էր գրել, որը կարդացել էր տղայի հայրը և ցույց տվել դպրոցի ղեկավարությանը:

Երկրորդ նկատողությունից հետո ուսուցչուհուն հեռացրել էին դպրոցից: Այս պահին նրան արգելված է դասավանդել ոչ միայն վերոնշյալ, այլև՝ Մեծ Բրիտանիայի տարածքում գործող բոլոր դպրոցներում: Արգելքը գործելու է մինչև 2018-ը:

«Տիկին Ռայնեն խայտառակ է արել ոչ միայն իր պատիվը, այլև ամբողջ դպրոցի հեղինակությունը, և ուսուցչի մասնագիտությունն առհասարակ», ասել է դպրոցի ղեկավարությունը: