Կաննի կինոփառատոնի սենսացիոն հաղթանակը շնորհվեց լեսբուհիների մասին պատմող ֆիլմին

Կաննի կինոփառատոնը մոտեցել է իր ավարտին բավականին սենսացիոն եզրափակմամբ. փառատոնի գլխավոր մրցանակը`«Ոսկե արմավենու ճյուղը», շնորհվել է «Ադելի կյանքը» (կինովարձույթներում`«Կապույտը ամենատաք գույնն է») ֆիլմին, որը պատմում է 2 լեսբուհիների մասին: 

Թունիսական ծագմամբ ֆրանսիացի ռեժիսոր Աբդելատիֆ Քեշիշի ֆիլմը կինոփառատոնի հանդիսավոր փակման արարողության ժամանակ իր պատվավոր մրցանակը ստացել է ամերիկացի դերասանուհի Ումա Թուրմանի ձեռքից. գրում է Deutshe Welle-ն: 

«Ես այս ֆիլմը նվիրել եմ երիտասարդությանն ու ազատությանը, երիտասարդների իրավունքին`սիրել և ամբողջովին ինքնառեալիզացվել»,- հայտարարել է ռեժիսորը մրցանակը ստանալիս: 

Երկու աղջիկների սիրո պատմության մասին մանրամասն պատմող ֆիլմը շոկի մեջ է գցել Կաննի կինոփառատոնի շատ մասնակիցներին: Սակայն ժյուրին Ստիվեն Սփիլբերգի գլխավորությամբ որոշեց այն վեր դասել փառատոնի մյուս բոլոր ֆիլմերից: