Բրիտանացի դպրոցականները կարծում են, որ պանիրը բանջարեղեն է

Ինչպես գրում է The Daily Mail պարբերականը, բրիտանացի երեխաները շատ քիչ պատկերացում ունեն սննդի մասին:

Համաձայն երկրում անցկացված հարցումների`դպրոցական տարիքի յուրաքանչյուր 3-րդ երեխա կարծում է, որ պանիրը բանջարեղեն է, իսկ յուրաքանչյուր 10-րդը վստահ է, որ լոլիկը աճում է հողի տակ: Բացի այդ, պարզվել է, որ ամեն 5-րդ բրիտանացի դպրոցական երեխա կարծում է, թե ձկան ձողիկները պատրաստվում են հավի մսից:

Հետազոտությունը անցկացրել է Սննդի բրիտանական հիմնադրամը, որը հարցում է անցկացրել ողջ երկրում 27.500 երեխայի շրջանակում:

Հետազոտողները նաև նշել են, որ երեխաների մեծ մասը առավոտյան չի նախաճաշում, և միայն հազվագյուտ դպրոցականներն են սննդում ձուկ օգտագործում: