Բժշկի դիմած տղամարդը պարզել է, որ ինքը կին է

Հոնկոնգում 66-ամյա տղամարդը, որովայնի շրջանում վիրահատություն կատարելու նպատակով դիմելով բժշկի, պարզել է, որ ինքը կին է. գրում է Hong Kong Medical Journal-ը:

Հիվանդը բողոքում էր որովայնի չափերի անսովոր մեծացումից: Վիրահատության ընթացքում պարզվել է, որ «տղամարդը» ձվարանի կիստոմա ունի:

Պարզվում է, որ հիվանդը միանգամից 2 ժառանգական հիվանդություն ունի: Նախ՝ նրա մոտ կա Թերների ախտանիշ, որի դեպքում կանայք ծնվում են միայն մեկ X քրոմոսոմով: Սովորաբար, նման մարդիկ կնոջ տեսք են ունենում, սակայն ի վիճակի չեն երեխա ունենալ:

Իսկ այս դեպքում հիվանդի մոտ առկա է եղել նաև բնածին վերերիկամային կեղևի հիպերպլազիա, որի արդյունքում նրա մարմինը արտադրում է ավելի շատ քանակով արական հորմոններ, ինչի շնորհիվ էլ տեսքից տղամարդ է հիշեցնում:

Վիետնամում ծնված չինացի հիվանդը ունի 1 մետր 34 սմ հասակ, մորուք և սեռական փոքր օրգան:

Իմանալով, որ ինքը բնության կողմից կին է պլանավորված եղել, ամեն դեպքում հիվանդը որոշել է մնալ տղամարդ և մտադիր է մեծ քանակությամբ լրացուցիչ արական հորմոններ ընդունել: