Ռուսաստանը թանկ է վճարելու «խելագար» Ասադի ռեժիմին աջակցելու համար. Saudi Gazette

Ռուսաստանը ստիպված է լինելու շատ թանկ վճարել Սիրիայի «խելագար նախագահ» Բաշար Ասադի ռեժիմին աջակցելու համար. գրում է The Saudi Gazette պարբերականը: Ինչպես կարծում է հոդվածի հեղինակը, Մոսկվայի գործողություններն առաջին հերթին անդրադառնալու են արաբական աշխարհի հետ նրա հարաբերությունների վրա:

Հեղինակի կարծիքով` Ռուսաստանը շարունակում է ԽՍՀՄ քաղաքականությունը` օգնություն ցուցաբերելով բռնապետական ռեժիմին: Ռուսական քաղաքականության քայլերը անցել են բոլոր թույլատրելի սահմանները, բարոյական նորմերն ու Ասադի պաշտպանության համար բերվող հիմնավորումների տրամաբանական շեմը:

Սրա արդյունքում Մոսկվան արաբական աշխարհին միայն մեկ ուղերձ է հղում, անարգանքի և ատելության ուղերձ. եզրափակում է հոդվածագիրը: