ԱՄՆ-ում առաջին անգամ սպիտակամորթների մահացության մակարդակը գերազանցել է ծնելիության մակարդակը
Համաշխարհային Մամուլ
ԱՄՆ-ում 2012-ին սպիտակամորթ բնակչության մահացության մակարդակը տասնամյակների ընթացքում առաջին անգամ գերազանցել է ծնելիության մակարդակը. հինգշաբթի օրը գրում է Washington Post-ը՝ հղում կատարելով բնակչության վիճակագրական վարչության տվյալներին:
Վարչության վիճակագրական տվյալների համաձայն` ԱՄՆ-ում բնակվում է ոչ լատինամերիկյան ծագման 198 մլն սպիտակամորթ քաղաքացի: Հաշվետու ժամանակահատվածում այս խմբի մարդկանց քանակը պակասել է 12,4 հազարով:
Washington Post-ը, մեջբերելով ամերիկացի ժողովրդագրագետների կարծիքը, գրում է, որ ԱՄՆ-ի բնակչության 63%-ը կազմող սպիտակամորթների մոտ մահացության նման բարձր մակարդակ երկրում չի գրանցվել Մեծ Ճգնաժամի և պատերազմների տարիներին: Ինչպես ժողովրդագրական, այնպես էլ տնտեսական գործոնները համարվում են ծնելիության մակարդակի անկման պատճառ: Բացի այդ` ԱՄՆ-ում ոչ լատինամերիկյան ծագմամբ սպիտակամորթ բնակչության միջին տարիքը ավելի բարձր է՝ 42 տարեկան, իսկ ասիական և աֆրամերիկյան ծագմամբ բնակիչների միջին տարիքը համապատասխանաբար կազմում է 34 և 32 տարեկան: Լատինամերիկացիների համար այդ շեմը 28-ն է:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
