FEMEN-ի կիսամերկ ակտիվիստուհիները բողոքի ակցիա են կազմակերպել Անգելա Մերկելի դեմ (տեսանյութ)

FEMEN շարժման ակտիվիստուհիները հերթական անգամ բողոքի ակցիա են կազմակերպել Գերմանիայի կանցլեր Անգելա Մերկելի մասնակցությամբ տեղի ունեցած միջոցառման ժամանակ. գրում է Bild գերմանական պարբերականը:

Միջադեպը տեղի էր ունեցել հինգշաբթի օրը` Բեռլինում գերմանացի կինոպրոդյուսերների միության կողմից կազմակերպած հանդիսավոր միջոցառման ժամանակ: 4 կիսամերկ FEMENուհիներ փորձել են հայտնվել կապույտ գորգի վրա այն բանից հետո, երբ այնտեղ հայտնվել էր Անգելա Մերկելը:

Կանցլերի թիկնապահները արագ կանգնեցրել են աղջիկներին և հեռու տարել կապույտ գորգից:

Հիշեցնենք, որ սա Անգելա Մերկելի դեմ առաջին բողոքը չէ FEMEN-ի կողմից: Ամիսներ առաջ նրանք մերկացել էին Մերկելի առջև Ռուսաստանի նախագահ Վլադմիր Պուտինի հանիդսավոր ընդունելության ժամանակ: