Ժերար Դեպարդիեն մտադիր է ևս 7 երկրի քաղաքացիություն ստանալ

Այս տարվա հունվարին Ռուսաստանի քաղաքացիություն ձեռք բերած ֆրանսիացի դերասան Ժերար Դեպարդիեն Journal du Dimanche պարբերականին տված հարցազրույցի ժամանակ հայտարարել է, որ ինքը մտադիր է ստանալ ևս 7 երկրի քաղաքացիություն: «Ես աշխարհաքաղաքացի եմ», - հայտարարել է դերասանը:

Այս պահին Դեպարդիեն պլանավորում է դիմում ներկայացնել Ալժիրի քաղաքացիություն ստանալու համար:

«Ես աշխարհաքաղաքացի եմ: Ես ազատ մարդ եմ և ցանկանում եմ համապատասխանել այն կերպարին, որը այդքան սիրում են ֆրանսիացիները, այն է՝ բունտարար, ով հաղթահարում է պատնեշները՝ երբեմն նաև ոչ սթափ: Դրանում ինչ-որ խուլիգանական տարր կա, որը դուր է գալիս Պուտինին», - ասել է Դեպարդիեն և հավելել, որ որքան շատ անձնագրեր նա ունենա, այնքան հեշտ կլինի առանց վիզայի ճանապարհորդելը: