Սիրիայի հարցով Պուտինի և Օբամայի հանդիպումն անցավ «սառը տոնի» վրա. Los Angeles Times

ԱՄՆ-ի և Ռուսաստանի նախագահների հանդիպումը, որը նվիրված էր Սիրիայում հակամարտության կարգավորմանը, «սառը տոնի» վրա է  անցել. գրում է The Los Angeles Times-ը: Ինչպես նշում է պարբերականը, Սիրիայի հարցի շուրջ Օբաման  և Պուտինը սուր տարաձայնություններ ունեն: Մեկ տարի առաջ հանդիպման ժամանակ ռուս և ամերիկացի նախագահներն իրենց հավանությունն էին տվել Ժնևում խաղաղ բանակցություններ վարելու առաջարկին, սակայն որևէ առաջընթաց քայլ չձեռնարկեցին Սիրիայում պատերազմին վերջ դնելու համար. նշում է պարբերականը:

Իր հերթին The Wall Street Journal-ը գրում է, որ Օբաման և Պուտինը մտել են բաց հակամարտության մեջ Սիրիայի հարցում: Մոսկվան իր աջակցությունն է հայտնում Ասադի ռեժիմին` սպառազինություններ ուղարկելով կառավարական բանակին, իսկ Վաշինգտոնը հրամայել է ԿՀՎ-ին զինել սիրիական ընդդիմությանը: Մեծ ութնյակի հանդիպման ավարտին ԱՄՆ-ի և Ռուսաստանի նախագահները նախընտրեցին մռայլ իրար նայել և գործադրեցին բոլոր ջանքերը՝ բաց վիճաբանությունից խուսափելու համար:

Պուտինի և Օբամայի կարծիքների փոխանակումը բավականին սառն էր. գրում է The Guardian-ը և հավելում, որ Մոսկվայի և Վաշինգտոնի միջև Սիրիայի հարցում համաձայնության ձեռք բերման հեռանկարները շատ հեռավոր են թվում: