Ռազմիկը ծեծել է կնոջը, ապա ծխախոտի այրվող գլանակը հանգցրել նրա ճակատին
Իրավունք
Վանաձոր քաղաքի բնակիչ Ռազմիկ Պապոյանին մեղադրանք է առաջադրվել առ այն, որ նա 15.02.2013թ. ժամը 21.30-ի սահմաններում Վանաձորի բնակարանում կենցաղային հարցերի շուրջ վիճաբանել է կնոջ՝ Գոհար Պապոյանի հետ: Վեճի ընթացքում մարմնական վնասվածք պատճառելու դիտավորությամբ ձեռքերով և ոտքերով հարվածել է կնոջ մարմնի տարբեր մասերին, ապա ծխախոտի այրվող գլանակը սեղմելով հանգցրել է նրա ճակատին՝ առողջությանը դիտավորությամբ պատճառելով միջին ծանրության վնաս: Այս մասին գրել է «Փաստինֆո»–ն։
43-ամյա Ռազմիկ Պապոյանին մեղադրանք է առաջադրվել ՀՀ քրեական օրենսգրքի 113-րդ հոդվածի առաջին մասով՝ դիտավորությամբ առողջությանը միջին ծանրության վնաս պատճառելը, խափանման միջոց ընտրվել՝ չհեռանալու մասին ստորագրությունը:
Գործը Լոռու մարզի ընդհանուր իրավասության դատարանում է, սակայն դեռևս որևէ դատավորի չի մակագրվել:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
