Խոդորկովսկուն ներո՞ւմ են շնորհելու

Ռուսաստանի նոր նախագահին ներկայացվելու է համաներման արժանի 30 բանտարկյալների ցուցակ, որոնց մեջ ընդգրվել են «ЮКОС»-ի նախկին նախագահ Միխայիլ Խոդորկովսկին եւ նրա տեղակալ Պլատոն Լեբեդեւը։

Համաներվողների ցուցակը կազմվել է Ռուսաստանի նախագահին առընթեր Մարդու իրավունքների խորհրդի աշխատանքային խմբի կողմից։

Ռուսաստանի նախագահի բոլոր թեկնածուները հայտարարել են, որ իրենց ընտրվելու դեպքում ներում են շնորհելու Միխայիլ Խոդորկովսկուն։ Ներկայիս վարչապետ՝ նախագահի թեկնածու Վլադիմիր Պուտինը հայտարարել է, որ իր ընտրվելու դեպքում պատրաստ է քննարկել Խոդորկովսկուն ներում շնորհելու հարցը, հաղորդում է Lenta.ru–ն։