Աշխարհում տաքսու ամենաանքաղաքավարի վարորդները Փարիզում և Հռոմում են. Daily Telegraph

Ինչպես գրում է The Daily Telegraph-ը, աշխարհի ամենաանքաղաքավարի տաքսու վարորդները համարվել են Փարիզի և Հռոմի վարորդները: Այս եզրակացությանը պարբերականը եկել է բրիտանացի զբոսաշրջիկների շրջանում անցկացված հարցումների հիման վրա: Ֆրանսիայի  և Իտալիայի մայրաքաղաքները բնութագրվել են որպես «դժոխք» ղեկին նստող անձանց համար, սակայն պարզվում է, որ տաքսիների ծառայություններից օգտվելն էլ այնտեղ բավական բարդ գործընթաց է:

Անքաղաքավարի տաքսիստներով աչքի են ընկել նաև իսպանական Իբիցա կղզին, Դուբայը և Մագալուֆը (Մայորկա):

Ամենաքաղաքավարի և բարեհամբույ տաքսիստները, ըստ հարցման, ապրում են հունական Պեֆոկսում և թուրքական Մարմարիսում: Նյու Յորքը և Պալմա Նովան (Մայորկա) նույնպես քաղաքավարի տաքսիստներ ունեցողների ցուցակում են: Հարցմանը մասնակցել է վերջին 12 ամիսներին հանգստի մեկնած 2.100 բրիտանացի: