Աշխարհի ամենագեր ազգերի շարքում ամերիկացիները զիջել են իրենց տեղը

Ամերիկացիներն այլևս աշխարհի ամենագեր ազգը չեն համարվում. գրում է The Daily Mail-ը՝ հղում կատարելով ՄԱԿ-ի զեկույցին: ԱՄՆ-ի բնակիչներին ցուցակի առաջին հորիզոնականից իջեցրել են մեքսիկացիները, ովքեր «նստել են» արագ սննդի և գազավորված խմիչքների վրա: Ներկայումս Մեքսիկայի չափահաս բնակչության 70%-ը տառապում է ավելորդ քաշից, իսկ նրանց  1/3-ի մոտ նկատվում է ճարպակալում:

Երկրորդ տեղում են ամերիկացիները, որոնց հաջորդում են Սիրիայի բնակիչները: 4-րդ հորիզոնականը կիսել են Վենեսուելայի և Լիբիայի բնակիչները, իսկ գլխավոր հնգյակը եզրափակում է Տրինիդադ և Տոբագոն:

Ամենագեր քսանյակի մեջ հետևյալ հերթականությամբ դասավորվել են Վանուատուի, Իրաքի, Արգենտինայի, Թուրքիայի, Չիլիի, Չեխիայի, Լիբանանի, Նոր Զելանդիայի, Սլովենիայի, Մալթայի, Պանամայի, Իսրայելի, Ավստրալիայի, Դոմինիկյան հանրապետության, Ռուսաստանի և Հունգարիայի բնակիչները։