Թրքուհին ապահարզանից հետո «սրբել» է տունը՝ իր հետ տանելով պատուհաններն ու տանիքը

Թուրքիայում զայրացած կինը ամուսնալուծության ժամանակ ընտանեկան օջախից իր հետ տարել է բառացիորեն ամեն ինչ. գրում է The Daily Mail-ը: Միջադեպը տեղի էր ունեցել Ադանա քաղաքում: 34-ամյա Ֆաթիմա Իդեմը ամուսնալուծությունից հետո իր կողակցին չէր թողել ոչինչ: Սկզբում կինը իր հետ տարել էր տան սպասքը, սեղանի պարագաները, գորգերն ու վարագույրները: Այնուհետև Ֆաթիման չգոհանալով՝ սպասել էր, թե երբ ամուսինը աշխատանքի կգնա, և վերադարձել էր եղբայրների հետ, որպեսզի նրանք պոկեն տան տանիքն ու պատուհանները:

Հարևանները շտապել են տեղյակ պահել ամուսնուն, սակայն խանգարել կնոջն ու նրա եղբայրներին՝ լքված ամուսինը չի կարողացել: Կինն ապացուցել է, որ հենց ինքն է վճարել տան նոր տանիքի և պատուհանների համար:

Արդյունքում՝ նախկին ամուսինը բնակության նոր վայր է փնտրում և ստիպված է եղել իր 2 տղաներին հանձնել ժամանակավոր խնամակալության: