Կանադայում նավթատար գնացքի պայթյունից զոհերի թիվը հասել է 50-ի

Կանադայի ոստիկանությունը հայտնել է, որ շաբաթ օրը նավթ փոխադրող գնացքի վթարի հետևանքով զոհերի թիվը հասել է 50-ի. գրում է Le Parisien-ը:

Այսպիսով` զոհվածների ցուցակում ավելացվել է ևս 30 մարդու անուն, որոնց նախկինում համարում էին անհետ կորած:

Ամերիկյան Maine & Atlantic Railway ընկերությունը, ում պատկանում էր երկաթգծից դուրս եկած գնացքը, արդեն ընդունել է կատարվածի համար իր պատասխանատվությունը: Սա Կանադայում վերջին 15 տարիների ամենախոշոր վթարն էր:

Հիշեցնենք, որ վթարը տեղի էր ունեցել շաբաթ գիշերը: Արգելակման համակարգի խափանման պատճառով գնացքները դուրս էին եկել երկաթգծերից և հրդեհվել, որից հետո հզոր պայթյուն էր որոտացել: