Բրիտանիայում հարսանիքի ժամանակ հյուրերը ծեծել են իրար մի կտոր հավի մսի համար
Համաշխարհային Մամուլ
Մեծ Բրիտանիայում մի կտոր հավի միսը կռվախնձոր է դարձել հարսանիքի ժամանակ: Զանգվածային ծեծկռտուքը հանդիսավոր արարողության ժամանակ սկսվել էր այն բանից հետո, երբ հյուրերից երկուսը կռիվ էին արել հյուրասիրության սեղանի մոտ հերթ կանգնելու համար: Կռիվը վերածվել էր տուրադմփոցի, որի արդյունքում կռվի մասնակիցներից մեկը հոսպիտակացվել էր, իսկ մյուսը` ձերբակալվել. գրում է Daily Mail-ը:
Ըստ առկա տեղեկությունների` կոնֆլիկտը ծագել էր այն բանից հետո, երբ փեսայի եղբայրը, խախտելով հերթը, մոտեցել էր հյուրասիրության սեղանին իր տղայի համար մի կտոր հավի միս վերցնելու համար: Այդ արարքը վրդովեցրել էր հարսանիքի մեկ այլ հյուրի` 53-ամյա Քուրթ Հյուզին, ով կոպիտ հրել էր փեսեղբորը:
Տղամարդիկ սկսել են լեզվակռիվ տալ, որին միացել են մյուս հյուրերը, որոնց թվում` հարսնաքույրը, ով ծեծկռտուքի արդյունքում կոտրել էր իր քիթը և տեղափոխվել հիվանդանոց:
Փեսեղբայրը ձերբակալվել էր, իսկ այնուհետև` գրավի դիմաց ազատ արձակվել: Ինչպես հայտարարել է նրա ձեռքից տուժած հարսնաքույրը, ամենասարսափելին այն է, որ կռվարարը նույնիսկ ներողություն չի խնդրել:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
