Դքսուհի Քեյթ Միդլթոնը արու զավակ է ունեցել

Քեմբրիջի դքսուհի Քեյթ Միդլթոնը տղա է ունեցել. գրում է  The Guardian-ը: 

Տղան ծնվել է տեղական ժամանակով 16։24-ին (19։24 Երևանի ժամանակով)՝ Լոնդոնի Սուրբ Մարիամ հիվանդանոցում: Երեխան ունի մոտավորապես 3,8 կգ քաշ:

Մայրն ու երեխան իրենց լավ են զգում։ Հիվանդանոցում է գտնվում նաև արքայազն Վիլյամը: 

Երեխայի ծնունդից քիչ անց Բուկենհեմյան պալատում ցուցադրվել է ավանդական պաշտոնական վկայագիրը, որը առաքիչը բերել էր Սուրբ Մարիամի հիվանդանոցից:

«Դքսուհին այսօր հաջողությամբ տղա է ծննդաբերել ժամը 16։24-ին»,-ասված է փաստաթղթի մեջ, որը ստորագրվել է հիվանդանոցի բժիշկների կողմից: