Պետերբուրգում ավարտվեցին «Հանուն արդար ընտրությունների» ցույցն ու երթը

Ինչպես հաղորդում է «Интерфакс» լրատվական գործակալությունը, Պետերբուրգում ավարտվեց «Հանուն արդար ընտրությունների» հանրահավաքը։ Հանրահավաքի արդյունքում «Конюшенная» հրապարակում ընդունվեց մի բանաձև, որում հանրահավաքի մասնակիցները հայտարարեցին ներկայիս իշխանությունների ոչ լեգիտիմության մասին։ Միջոցառման ավարտին տեղի ունեցավ փոքրիկ համերգ։

«БалтИнфо»–ի տվյալներով «Октябрьский» համերգասրահի մոտից սկսված երթին մասնակցել են մոտ 10 հազար ցուցարարներ։ Սակայն սաստիկ սառնամանիքի պատճառով քչերը մնացին մինչև հանրահավաքի ավարը՝ «БалтИнфо»–ի տվյալներով ընդամենը 500 հոգի։ Իսկ ՆԳ նախարարության Պետերբուրգի քաղաքային վարչության մամլո ծառայությունը «Интерфакс»–ին հայտնել է, որ «Конюшенная» հրապարակում հավաքվածների թիվը կազմում էր 3 հազարից ոչ ավել, սակայն ոստիկանության մեկ այլ ներկայացուցիչ հայտնել էր 5 հազարի մասին։

Ինչպես գրում է հրատարակչությունը, պետերբուրգյան երթի մասնակիցները խախտել էին խորհրդանիշեր չօգտագործելու մասին նախօրոք ձեռք բերված համաձայնությունը՝ ցույցի բերելով խորհրդանիշերով դրոշներ։ «БалтИнфо»–ի տվյալներով՝ միջոցառման ընթացքում վեճ է բռնկվել ազգայնականների և միասեռականների միջև, իսկ «Ռուսական իմպերատորական շարժման» անդամ Նիկոլայ Բոնդարիկը բարձրախոսի համար «պայքարելիս» վայր է ընկել բեմահարթակից։