ՌԴ-ի կողմից Սնոուդենին ապաստան տալը թշնամական քայլ էր ԱՄՆ-ի հանդեպ

Ռուսաստանի կողմից ծրագրավորող Էդվարդ Սնոուդենին ժամանակավոր ապաստան տալը ԱՄՆ-ի հանդեպ թշնամական քայլ է. գրում է The Wall Street Journal-ը: Սակայն, ինչպես կարծում է պարբերականը, այս գործում կարելի է նաև դրական կողմեր գտնել, եթե Բարաք Օբամայի վարչակազմը վերանայի Վլադիմիր Պուտինի ռեժիմի նկատմամբ իր վերաբերմունքը:

Հավանաբար, իր բնույթով անիմաստ G20-ի գագաթնաժողովը հետաձգելն արդեն ուշ կլինի, սակայն Օբաման կարող է առնվազն հրաժարվել մոսկովյան բանակցություններից. գրում է թերթը: 

Իր հերթին The New York Times-ը կարծիք է հայտնում, որ Սնոուդենի գործն ընդամենը բազմաթիվ պատճառներից մեկն է, որից ելնելով՝ Օբաման պետք է հրաժարվի Պուտինի հետ կայանալիք հանդիպումից:

Մասնավորապես, հստակեցնում է պարբերականը, ԱՄՆ-ն և ՌԴ-ն տարակարծիք են Սիրիայի հակամարտության և միջուկային զինանոցի կրճատման հարցում: 

«Ռուս-ամերիկյան հարաբերությունների վատթարացումը սկսվեց անհամեմատ ավելի արագ ընթանալ Պուտինի 2-րդ նախագահական ժամկետից հետո», գրում է թերթը:

Նշենք, որ նախօրեին Սնոուդենը ժամանակավոր կացարան էր ստացել Ռուսաստանի կողմից և լքել Մոսկվայի Շերեմետևո օդանավակայանի տրանզիտային գոտին: